ოზურგეთელმა, გოდერძი მახარაძემ 16 ივნისს ბათუმში მსოფლიო რეკორდი დაამყარა. 36 წლის მსოფლიო რეკორდსმენმა თავით ბურთის კენწვლით კიბეზე 110 საფეხური აიარა. მანამდე კი 1500-ჯერ აკენწლა ბურთი რვა წუთსა და 45 წამში. მსოფლიო რეკორდის დამყარებისთვის დრო ათი წუთი იყო განსაზღვრული.
კომისიის წევრები აჭარის ავტონომიური რესპუბლიკის განათლების, კულტურისა და სპორტის სამინისტროს წარმომადგენლები იყვნენ.
გოდერძი მახარაძემ უკვე ჩვიდმეტი რეკორდი დაამყარა, აქედან პირველი 1996 წელს. რეკორდსმენი მომავალში დუბაიში ბურთის კენწვლით ყველაზე მაღალ შენობაზე ასვლას აპირებს, რომელიც რვაასი მეტრო სიმაღლისაა.
მსოფლიო რეკორდსმენს ბათუმის მერიამ საჩუქრად სამასი ლარი გადასცა.
0 коммент.:
Отправить комментарий