ჟურნალისტი ბათუმიდან: ვიდეო

ავტ: ნათია როყვა, ვაჟა კეშელავა, მირიან ურუშაძე

გაზეთ “კვირის ქრონიკის“ მიერ გავრცელებულ ინფორმაციას ვიცე პრემიერ მინისტრი გიორგი ბარამიძე სისულელეს უწოდებს. გაზეთი წერს, რომ ბათუმში სტინგის კონცერტის შემდეგ პრეზიდენტსა და ერთ-ერთ მომღერალს შორის ინციდენტის დროს აუზში ეკონომიკის მინისტრი ვერონიკა ქობალია და პრეზიდენტის პრესსამსახურის თანამშრომელი ნათია ბანძელაძე დაშავდნენ. გაზეთის ჟურნალისტს გაურკვეველი დარჩა რა ვითარებაში მოიტეხა ფეხი ვიცე პრემიერ მინისტრმა. „მაცნეს“ დღეს გოირგი ბარამიძისთვის კითხვის დასმის საშუალება მიეცა, ვიცე პრემიერ მინისტრმა დაადასტურა, რომ ფეხი ბათუმში მოიტეხა, პრესაში გავრცელებულ ინფორმაციას კი სისულელე უწოდა. ეკონომიკისა და მდგრადი განვითარების მინისტრმა ვერონიკა ქობალიამ ამის შესახებ ჟურნალისტის კითხვას გუშინ „რადისონის“ გახსნისას უპასუხა და საავადმყოფოში ყოფნა დაადასტურა, თუმცა პრესაში გავრცელებულ ინფორმაციას ჭორი უწოდა.